Læknastöðin er miðstöð læknisþjónustu af ýmsu tagi og þar hafa um 50 læknar aðstöðu. Lögð er áhersla á góða þjónustu við barnafjölskyldur og að hægt sé að leita til sem flestra sérfræðinga á einum og sama staðnum.

 

Nýtt og glæsilegt húsnæði var tekið í notkun árið 2008 þar sem öll aðstaða er eins og best verður á kosið. Aðkoma að byggingunni er til fyrirmyndar og bílastæðum hefur verið fjölgað til muna. Lyfta gengur frá bílakjallara beint inn í móttöku okkar.

 

Skjólstæðingum Læknastöðvarinnar býðst að hringja hvenær sem er á opnunartíma stöðvarinnar og leggja inn skilaboð til læknisins sem hringir svo til baka. Þetta fyrirkomulag hefur gefist sérlega vel og felur í sér mikið hagræði fyrir sjúklinga.

 

Bókunarkerfi Læknastöðvarinnar minnir skjólstæðinga hennar á bókaða tíma með SMS skilaboðum. Enginn ætti því að þurfa að gleyma tímanum sínum.